mahatma


US Invader Проглас до почитуваните ни читатели Не ни стојте на патот... Глобализацијата како војна од нов тип Кампот „Бонд Стил“ на Косово Велигденското Востание во Ирска (1916) Марсејскиот атентат врз југословенскиот крал Александар Караѓорѓевиќ Хегемонијата на капиталистичките вредности Политичката контрола над егзекутивата Историски дискурс за „слободите и правата на човекот и граѓанинот“ Бушидо - душата на Јапонија Откровението на Новиот Завет од светиот Апостол Јован Богослов Македонците во Библијата Индијански (од)говор „Екоцидот“ при НАТО агресијата врз Југославија (1999) Ексклузивно за МАХАТМА: разговор со Умберто ПАСКАЛИ Нелсон Мандела - герилецот кој доби Нобелова награда High-Tech криминалитетот во денешнинава Што да читаат алтер-глобалистите? Мрак во Македонските „медиуми“ Општење за општеството... Алберт Ајнштајн - големиот научник бил одличен љубовник Борба за возвишување (или бесмртност на тлото на златната средина) Писмо од Земјата што зборува - преписка „Соларни симболи“ од Димче Коцев Stigmata & Trainspotting Милан Младеновиќ - фронтменот на Е.К.В. (1958 - 1994) Bob Marley - политички мотивирани текстови Aggressive inline skating-от во Македонија Фотографии од наши активности Првиот број на МАХАТМА (октомври 2005) Уредник, Членови, Поддршка и Соработници генетски модификуваните посеви пораснаа на над 35 милионихектари земја низ целиот свет (што претставува област што е за 1,5 пати поголема од Велика Британија)! во САД има 11 257 убиства со огнено оружје во текот на една година, а во Австралија само 65! во САД стапката на криминал опаднала за 20%, а стапката на известување за него од страна на медиумите пораснала за 600% што предизвикува страв кај населението!		секој ден во светот умираат над 35 илјади деца од глад и заразни болести, за кои постои лек и коишто релативно лесно можат да се излекуваат со соодветен третман. Значи на секои три секунди умира по едно дете (односно само за два дена умираат повеќе деца отколку што биле убиени Американски војници во долгогодишната Виетнамска војна)! 358 енормно богати мулти-милијардери денес поседуваат повеќе од она што половина човештво заедно го заработува! вкупниот Бруто Национален Производ (GDP) на 48^-те неразвиени сиромашни земји од „Третиот свет“ е еднаков на богатството што го поседуваат тројцата најбогати луѓе во светот! воениот буџет на САД е два пати поголем од буџетите на сите земји членки на НАТО заедно (и изнесува неверојатни 400 милијарди $ - американски долари)! во секој момент во светот постојат над 30 000 нуклеарни бомби, кои ако експлодираат во еден момент ќе ја уништат целокупната материја што воопшто постои на планетава! САД имаат издвоено 100 милиони $ за рушењето од власт на поранешниот српски претседател - Слободан Милошевиќ! само 29 % од целокупната територија на Земјава е под суверенитетот на државите, а останатите 71 % сé под режимот на „меѓународното право“ кое претежно е т.н. обичајно право! над 4 милијарди жители на планетава живеат на Јужната Хемисфера, а има само едвај 1/5 од вкупното светско богатство! преку 3 000 комерцијални вештачки сателити и над милијарда телевизори го претвора светот во едно огромно гледалиште, кадешто милијарди луѓе во исто време гледаат исти спектакли и настани! трошоците за еден TV приемник произведен во САД чинат 54 долари, додека во фабриките на островот Формоза (попознат како Тајван) тие опаѓаат на само 4 долари – $! цената на трудот на 47 виетнамски работници е еднаква со онаа на само еден француски работник! само четири светски новински агенции дневно емитуваат оклу 34 милиони зборови (т.е. 90% од вкупното издаваштво на весници и емитувањето вести преку радиото и телевизијата)! девет од 10^-те најголеми рекламни фирми и маркетинг агенции се американски! во Холивуд се произведуваат 4/5 од сите филмови во светот! за само една деценија уделот на американски филмови во европските киносали се зголеми од 56 на 70%! во моментов во светот постојат преку 20 000 транснационални корпорации! 400 корпорациски џинови во свои раце држат 66% од светското производство, а само 1% од корпорациите во своите раце држат 75% од вкупните инвестиции во другите држави! 10^-те најголеми фирми од областа на теле-комуникациите контролираат 86% од светскиот пазар (којшто, пак, е вреден цели 300 милијарди долари)! пред две децении 180 корпорации ја контролираа светската индустрија за храна и пијалоци, а денес истата таа моќ ја делат само 60 „мамутски“ мултинационални корпорации! пред две децении 65 хемиски компании биле во жестока конкурентска трка, додека денес преку 90% од светскиот пазар на пестициди го владеат само девет компании! вкупно 2/3 од странските директни инвестиции потекниваат од само четири земји (САД, Велика Британија, Јапонија и Германија)! брокерските финансиски трансакции достигнуваат неверојатни размери од 1 300 милијарди американски долари на ден (или сликовито кажано, онолку колку што изнесуваат резервите на сите национални банки во светот)! „Договорот од Кјото“ кој го регулира намалувањето на емисијата на штетните гасови во воздухот, и покрај тоа што е поддржан од 53 нации, сепак не беше потпишан од страна на американскиот претседател Џорџ Буш! до април 2002 година, 66 држави го потпишаа договорот за формирање на Маѓународен кривичен суд во Хаг, но меѓу нив повторно ја нема Америка!


	Ф И Л М
	*✍ Тина ТЕОВСКА* © Во оваа нова рубрика, којашто за прв пат стартува од овој број на МАХАТМА, редовно ќе Ви претставуваме по неколку врвни остварување од светот на „Седмата Уметност” – Филмот, кои по многу нешта се разликуваат од клишето на Холивудските комерцијални изданија кои ја окупираат светската сцена промовирајќи кич, шунд, насилство, фетишизирање на парите, насилството и садо-мазохизмот. Ете затоа почитувани, за да не заглавите во овој вител на искривени вредности, ние преку оваа рубрика ќе се потрудиме да Ви презентираме добри филмски остварувања кои заслужуваа да одвоите барем малку време и „на раат” да си ги изгледате... P.S. Нашето мото е: Одбрани филмови, за одбрана публика ! S t i g m a t A Што ли ни проповеда официјалната „Црква”? Филмот Стигмата е снимен и комплетно направен во 1999 година, во продукција на „M.G.M. Studio” и „FGM Entertaiment”. Режијата на ова одлично филмско остварување на оваа т.н. „Седма уметност” е Rupert Wainwright; продуцент е Frank Mancuso Jr.; сценариото е на Tom Lazarus, а пак музиката ја направи Billy Corgan** (кој своевремено беше фронтмен на познатата underground група „Smashing Pumpkins”). Главните улоги ги толкуваат: Patricia Arguette во улогата на Frankie Paige (обична фризерка која не верува во Бога, односно е атеист); потоа Gabriel Burne во улога на Andreњ Kiernan (отец т.е. католички свештеник кој ги истражува паранормалните религиозни феномени) и Jonathan Pruce како негативецот cardinal Housemean (претпоставен на отец Ендрју од редот на кардиналите во Ватикан). Во споредна улога, како padre Marion Petrocelli, се појавува барем за нас добро познатиот актер од Балканот - Раде Шербеџија, кого најмногу го помниме од филмот *„Пред дождот“* (Before the rain) на нашиот најпознат македонски филмски режисер на сите времиња - Милчо Манчевски. Покрај неговите успеси во американските и светските кино сали, филмот доби огромни негативни критики, напади, забрани и цензури од официјален Ватикан и Западната Римокатоличка Црква. Стигмата е базиран на еден таен документ наречен Тhe gospel of St. Thomas (скришните зборови на живиот Исус) и на искуствата на отец Пио Првиот (padre Pio I) кој бил опседнат од Стигма (здобивање со рани идентични на раните на нашиот Господ Исус Христос). Но, постојат податоци дека Свети Францис кој живеел во Азиси во XIII^от век бил првиот кој добил Стигми. Филмот започнува со смрта на отец Аламеида (кој го глуми Jack Donner) и со статуетата на Богородица на која и течат солзи од врела, човечка крв. Дејството во филмот Стигмата се одвива во денешно време - современиот свет во кој живее Frankie Paige. Нејзината личност се карактеризира како современа девојка со современ начин на живеење во кој нема, ниту пак се почитува било каква религија. Неочекувано како подарок од нејзината мајка која се наоѓа на одмор во *Belo Qyinto* во Јужен Бразил и стигнува еден навидум обичен ѓердан. Таа го купува од едно младо момче во туристичкото место, но ни таа ни Френки не знаат дека тој ѓердан всушност му припаѓал на отецот Аламеида кој штотуку почина и сеуште не бил погребан. По стигнувањето на герданот Френки станува опседната од духот на отец Аламеида и ги добива раните на Исус Христос т.е. стигмите. Првата рана (или поточно рани – во множина) се убоди во рацете но, не во дланките туку над дланките - затоа што се претпоставува дека Римјаните во Стариот век токму на тој начин ги распнувале осудените на смрт, како најтешка тогашна казна која се карактеризирала со бавно и болно умирање – и тоа затоа што дланките не би можеле да го издржат товарот на телото и веројатно многу брзо би се расцепиле. Втората рана е раната од камшикувањето на Христос. Тоа и се случува во воз во којшто има поставено камери, па всушност така и стигнува информацијата до Ватикан, односно до кардиналот Housemean за тоа дека се појавиле стигми кај некоја млада атрактивна девојка во Соединетите Американски Држави. Тогаш отецот Ендрју е испратен од Ватикан во САД за да дознае дали се работи за вистински симптоми на „стигма“ или сето тоа е уште една голема и вешто осмислена лага. Тој е постојано со Frankie и се обидува да открие која е причината за нејзината опседнатост, како и вистинската причина појавата на стигмите на нејзиното тело. ... Додека го гледате овој филм имате чувство, или пак посакувате и Вас да ви се случи таков религиозен феномен - бидејки стигмата е прикажана како благослов од Божјиот Син а, не како мачење. Тајните зборови на кои се базира оваа приказна се откриени во 1945 година во местото *Наг Хамади. Светите луѓе што го превеле овој документ, кој како што споменавме предходно е познат како Тhe gospel of St. Thomas* се: Padre Delmonico, Padre Alameida и Padre Marion. Ватикан и до ден денес одбива да го препознае или прифати документот, и тој е опишан и анатемисан како кривоверство односно ерес или учење што е надвор од официјалната доктрина и догма која ја проповеда Црквата – самопрогласен намесник на Бога на Земјава. Дел од Тhe gospel of St. Thomas т.е. попознат како *последните зборови на Исус Христос, за тоа како треба да продолжи вербата на луѓето кон Светото Тројство* на Отецот, Синот и Светиот Дух се следниве: . . . Кралството Господово е во тебе и насекаде околу тебе, а не во градби од дрво и камен. Отцепи парче дрво и Јас сум таму, подигни камен и ќе Ме најдеш. Ова се тајните зборови кога живиот Исус прозборе. Кој ќе го открие значењето на овие зборови…нема да ја вкуси смртта . . . Trainspotting Колку ли возови ќе изброиме? ... Избери живот. Избери работа. Избери сопатник. Избери семејство. Избери ебен голем телевизор. Избери машини за перење, автомобили, компактни CD плеери и електрични мали отворачи. Избери добро здравје - помалку холестерол и осигурување на забите. Избери си ги другарите и пријателите. Избери лесна облека и помалку багаж. Избери го денот и прашувај се кај по ѓаволите си ти во недела наутро. Избери седење на кауч гледајки матење на умот, уривање на духот, игри, шоуа и пикај си проклето ебена храна во уста. Избери ја твојата иднина. Избери живот… Но, зошто воопшто би сакал да избирам такви работи. Јас веќе избрав да не го изберам животот. Јас избрав нешто друго. - А причината? - Нема причина. На кого му треба причина кога има хероин!? Луѓето мислат дека се е во мизеријата и очајот, во смртта и во сето тоа срање, што секако не е за игнорирање. Но, тоа што го забораваат е задоволството - инаку ние не би го правеле сето тоа. Но, и покрај се ние не сме ебено глупави, не не ние ни најмалку не сме ебено глупави. Помисли само на најдобриот оргазам што си го имал. Кога си на хероин имаш само една грижа – Р Е З У Л Т А Т, а кога не си одненадеж си обврзан за сé и, пак, се грижиш за сите срања.. Немаш пари - не можеш да пиеш; имаш пари - премногу пиеш! Мораш да се грижиш за сметки, за храна, за некој фудбалски тим кој никогаш не победува, за човековите љубезни односи и за сите работи кои навистина не те интересираат кога имаш само една мисла - ХЕРОИН. * * * Приказната во филмот Тrainspotting (или ако сакате „*Броење возови“) е за петмина пријатели - од кои четворица се зависници од дрога а, пак, петтиот е психопат. Овој брилијантен филм ни ја раскажува нивната животна приказна и нивната битка за откажување од дрогата. Фокусот и умот во приказната е Mark Renton. Се нaдевам дека ова ќе Ви биде доволен повод за да го гледате овој филм (доколку, се разбира, досега го немате гледано). Животот на овие петмина пријатели ќе ве натера да се замислите што може да направи од вас порок каков што е ДРОГАТА. Но, не само тоа – ќе ве натера да се „задумате“ околу тоа колку здодевен е тривијалниов живот кој го живееме, како современово општеството полекa го губи тлото под нозете во одржувањето на здрави општествени односи итн. Главните улоги* во овој филм ги играат: Ewan Mc Gregor во улога на јунакот на приказната *Mark Renton; потоа Ewan Bremner* - како *Spud; Jonny Lee Miller* – во улогата на *Sick Boy; Kevin Mc Kidd* – како *Tommy* и на крај Robert Carlule – *Begbie; Kelly Macdonald* – како *Diane* и Irvine Welsh во улога на *Mikeu Forrester. Режијата* е на Danny Boule, а сценариото е напишано од Irvin Welch. Ω г о р е